chandamaama

(ಕಂದಮ್ಮನನ್ನು ಉಣಿಸಲು ಈ ಕವನ)
ಚಂದಮಾಮ
ಬಾಂದಳದಲ್ಲಿ ನೋಡು ಕಂಡ ಮಿನುಗುವ ತಾರೆಗಳ
ಕಪ್ಪು ಪರದೆಯೊಳು ಹಾರಾಡಿದಂತೆ ಮಿಂಚುಹುಳ
ಎತ್ತ ನೋಡಿದರತ್ತ ಕಗ್ಗತ್ತಲು
ಚಂದಮಾಮ ಆಗಮನದೊಳು ಬೆಳದಿಂಗಳು
ಬೆಳ್ಳಿ ತಟ್ಟೆಯಲ್ಲಿ ನೋಡ ಮೊಲದ ಹೆಜ್ಜೆ
ಕುಣಿದಾಡುತ್ತಿದೆ ಕಂದ ನಿನ್ನಯ ಕಾಲ್ಗೆಜ್ಜೆ
ಚಂದಿರನ ಕಣ್ಮರೆಯ ಆಟ
ಕಂದಮ್ಮ ತಿನ್ನೊಂದು ತುತ್ತು ಊಟ
"ತುತ್ತು ಅನ್ನ ತಿನ್ನೋ ಓ ನನ್ನ ಮುದ್ದು ಕಂದ
ಅತ್ತ ನೋಡು ಚಂದಮಾಮನ ಸೊಗಸಾದ ಅಂದ"
ಬರೆದವರು:ತೇಜೇಶ್ ಕುಂಜತ್ತಬೈಲ್.